شهریارین بهجت آباد خاطره سی

بسم یار دائم

بهجت آباد خاطره سی

استاد شهریار

تقدیم به اونایی که ایمان به عشق دارند و عاشقند

اولدوز سایاراق گوزله میشیم هر گئجه یاری

گج گلمه ده دیر یار ، یسنه الموش گئجه یاری

گوزلر آسیلی ، یوخ نه قارالتی نه ده بیر سس

باتمیش قولاغیم ، گورنه دوشور مکده دی داری

بیر قوش آییغام سویله رک گاهدان اییلیدر

گاهدان اونودا ئیل دئیه لای لای هوش آپاری

یاتمیش هامی ، بیر آلله اویاقدیر ، داها بیر من

مندن آشاغی کیمسه یوخ ، اوندان دا یوخاری

قورخوم بودی یار گلمه یه ، بیردن یاریلا صبح

باغریم یاریلار ، صبحوم آچیلما ، سنی تاری !

دان اولدوزی ایستر چیخا ، گوز یالواری چیخما

او چیخماسادا ، الدوزومون یوخدو چیخاری

گلمز ، تانیرام بختیمی ، ایندی آغارار صبح

قاش بیر آغاردیقجا ، داها باش دا آغاری

عشقین کی قراریندا وفا اولمیاجاقمیش

بیلمم کی طبیعت نیه قویموش بو قراری

سانکی خوروزون سون بانی ، خنجردی سوخولدی

سینه مده اورک وارسا کسیب قیردی داماری

ریشخندی له قیرجاندی سحر ، سویلدی دوها

جان قورخوسی وار عشقین ، اوتوزدون بو قماری

الدوم قره گون ، آیریلالی او ساری تئلدن

بونجا قره گونلردی ایدن رنگیمی ساری

گوز یاشلاری هر یر دن آخارسا منی توشلار

دریایه باخار بللی دی چایلارین آخاری

از بس منی یاپراق کیمی هجرانلا سارالدیب

باخسان اوزونه سانکی قیزیل گولدی ، قیزاری

محراب شفقده ئوزومی سجده ده گوردوم

قان ایچره غمیم یوخ ، اوزوم السون سنه ساری

عشقی واریدی شهریار ین گللی و چیچکلی

افسوس قارا یئل اسدی خزان اولدی باهاری

پروانه آبی